"HUMMER" ŞİRKƏTİ SATILIR

[Alex]

«General Motors» ona məxsus «Hummer» şirkətini satır
ABŞ-ın «General Motors» (GM) korporasiyası ona məxsus olan növbəti avtomobil şirkətini satmaq niyyətindədir. Söhbət
«Hummer» şirkətindən gedir. Belə ki, GM ilə Çinin «Sichuan Tengzhong
Heavy Industrial Machinery Co» şirkəti arasında «Hummer»in alınmasına
dair ilkin razılıq əldə olunub.
Digər məlumata görə, GM «Hummer»in satılmasına dair digər başqa
investorla anlaşma memorandumu imzalayıb. Lakin gələcək investorun adı
hələ açıqlanmır.
Qeyd edək ki, 80 il ərzində GM dünyanın ən nəhəng avtomobil
istehsalçısı olub. Şirkət 33 ölkədə minik və yük avtomobillərinin
(«Buick», «Cadillac», «Chevrolet», «GMC», «GM Daewoo», «Holden»,
«Pontiac» və s. Brendləri altında) istehsalı ilə məşğuldur. Lakin
hazırda dünyada müşahidə olunan maliyə böhranı korporasiyaya ciddi
təsir edib.
Xatırladaq ki, ötən həfə ərzində GM ona məxsus olan Almaniyanın «Opel»
şirkəti Rusiya-Kanada konsorsiumuna satılıb. Konsorsium «Opel»in 35%
səhminə sahib olub.