3G texnologiyasini destekleyen telefonlar

[Mr_SMITH]

Azərbaycanda 3G texnologiyasını yalnız “Nokia” telefonları dəstəkləyir
“Nokia”nın bu xidməti dəstəkləyən telefonlarını əldə etməklə "Mobil TV", həmçinin məkan xidmətlərindən (hava haqqında məlumat almaq, yol hərəkətini canlı şəkildə izləmə, zəng etdiyin insanı görmək və s.) istifadə etmək mümkündür.

3G sistemini dəstəkləmək üçün istifadəçinin smartfon tipli telefonu olmalıdır. Belə telefonların texniki göstəricilər hissəsində UMTS, WCDMA və ya 3G işarələrindən biri qeyd olunur. Danışanda hər iki adamın bir-birini görməsi üçün telefonda ön kamera olmalıdır.

Dekabrın 16-da “Azerfon” şirkəti Azərbaycanda ilk dəfə olaraq 3G texnologiyasının təqdimatını keçirib, öz yeni brendini - “Azerfon-Vodafon”u təqdim edib. “Azerfon”un korporativ ünsiyyət meneceri Elşad Fərzəliyevin “Media forum” saytına dediyinə görə, təqdimat günü 60 min “Nar Mobile” abonenti 3-cü nəsil mobil rabitə xidmətindən yaralana bilib.

E.Fərzəliyevin sözlərinə görə, 3G Azərbaycanda yeni texnologiya olduğundan abonentlər daha çox istifadə qaydalarını və hansı mobil telefonlardan istifadə edə biləcəklərini öyrənmək üçün müraciət edirlər: “Əsasən hansı telefonlara üstünlük vermək lazımdır, telefonun hansı özəllikləri olmalıdır, telefonda bunu necə aktivləşdirmək lazımdır kimi suallarla müraciət edirlər. Şirkətimiz bu sahədə müəyyən maarifləndirici layihələr həyata keçirməyi planlaşdırır”.