Hollandiyanın qadınlar xor kapellası “Sarı gəlin” xalq mahnısını Azərbaycan dilində ifa edib

[Qonaq]

Hollandiyanın Groningen şəhərinin qadınlar xor kapellası "Sarı gəlin" xalq mahnısını Azərbaycan dilində ifa edib.

Azərbaycanın Hollandiyadakı səfirliyindən Trend News-a verilən məlumata görə, Niderland Krallığının "Azərbaycanın Holland Dostları" İctimai Birliyi və yerli hökumət Haarlem şəhərində təşkil olunan "Mədəniyyətlərarası Dialoqda Qadınların Rolu" mövzusunda keçirilən tədbirdə bu ölkədə yaşayan azərbaycanlı musiqiçi Firəngiz Bağırova, tədbirə dəvət olunmuş Tünzalə Ağayeva, Elza Seyidcahan və Azərin holland tamaşaçıları qarşısında milli, klassik və caz musiqisindən ibarət nümunələrlə çıxış ediblər.

Tədbirdə Haarlem şəhərinin meri cənab B.Şnayders, Niderland cəmiyyətində böyük nüfuza malik siyasətçi, jurnalist və elm adamları, tanınmış holland ziyalıları və Azərbaycanın Niderland Krallığındakı səfiri Fuad İsgəndərov, Milli Məclisinin deputatı Elmira Axundova iştirak edib.

"Azərbaycanın Holland Dostları" təşkilatının icraçı direktoru Marion van der Veq tədbirin Hollandiyada keçirilməsi ideyasının ötən il Azərbaycanda ölkənin birinci xanımı, YUNESKO və İSESKO-nun xoşməramlı səfiri Mehriban Əliyevanın başçılığı ilə təşkil olunmuş "Mədəniyyətlərarası Dialoqda Qadınların Rolu" adlı Forumunda Niderland nümayəndə heyətinin iştirakından sonra yarandığını qeyd edib.

O bildirib ki, Azərbaycan bir tərəfdən öz tolerantlığı, dünyəviliyi və gender bərabərliyinə görə nümunəvi Avropa dövləti, digər tərəfdən isə milli və dini ənənələləri qoruyub inkişaf etdirməyə qadir bir ölkə kimi beynəlxalq ictimaiyyətdə tanıdılmalıdır.

Van der Veq hesab edir ki, Azərbaycanın sivilizasiyalararası dialoqun təşkil olunması, bu proseslərdə qadınların fəal iştirakının təmin edilməsi istiqamətində topladığı təcrübə holland cəmiyyəti tərəfindən dərindən öyrənilməlidir.

Bədii proqram çərçivəsində mövzuya dair Azərbaycan haqqında film nümayiş olunub.

Tədbirin konfrans hissəsində Niderlandın tanınmış tədqiqatçıları Azərbaycanın gender siyasətində əldə etdiyi nailiyyətləri yüksək qiymətləndirib.

[X_an]

Şəxsən mən bu xəbərə sevinmədim!Allah yaninda haqq olan din əlbəttə İslamdır!(Səf surəsi.)Sual verirəm nə talerantliq?!Boş şeylərdir!Bunlar hamsı siaysi məna kəsb edir tolerantliq yəni!

[Qonaq]

Orxan Bəy burda sən dediyini əsas götürməmişəm burda əsas olan Hollandiyada bizim musiqinin səslənməsidir 

[Sponsored content]