Ramazan bayramının namazı (Hacı Şahin Həsənli: "Bayram namazı ictimai məsuliyyəti artırır)

[X_an]

Bu gün dünya müsəlmanları Ramazan bayramını qeyd edəcək. Qafqaz Müsəlmanları İdarəsinin sədri Şeyxülislam Hacı Allahşükür Paşazadə bayram namazının iki gün- həm sentyabrın 20-də, həm də 21-də qılınacağını bildirib. «Təzəpir» məscidində bayram namazı saat 10.00-da qılınacaq.

Bayram namazının iki gün qılınması, məscidlərdə namazın vaxt fərqi kimi məsələlərlə bağlı dindarlar ANS PRESS-ə müxtəlif fikirlər söyləyiblər.

«Mənəvi dünya» ictimai birliyinin sədri Hacı Şahin Həsənli ANS PRESS-ə bildirib ki, şəriət nöqteyi-nəzərindən bayram ayın görünməsilə olur. Azərbaycanda bayram namazının iki gün qılınmasına gəldikdə isə, Hacı Şahin bildirib ki, sentyabrın 20-də o insanlar bayram namazı qılacaqlar ki, onlar ayı görüblər: «İki gün fürsət var, kim nə vaxt ayın çıxmasından əmin olsa, o zaman bayram namazını qılacaq». Onun sözlərinə görə, başqa ölkələrdə ayın nə zaman görünməsinin təyin edilməsi təkmil olunmuş hala gəlib çatıb: «Müxtəlif qurğular vasitəsilə bu, müşahidə edilir. Azərbaycanda belə texnika yoxdur. Bu səbəbdən məzhəbə uyğun olaraq digər ölkələrə baxıb bayramı qeyd edir. Bir dəstə İrana, bir dəstə Səudiyyə Ərəbistanına, digəri Türkiyəyə uyğun hərəkət edir. Ona görə fərqlər meydana çıxır».

Hacı Şahin həmçinin qeyd edib ki, bayram namazı vacib namaz deyil: «Təkid olunmuş, qılınması savab olan namazdır. İslam ictimai dindir və bayram günü yaxşı olar ki, məscidlərə gedib birlikdə ibarət edilsin. Bayram namazı ictimai məsuliyyəti artırır. Namazın gün təzə çıxdığı zaman qılınması yaxşıdır, namaz mümkün qədər tez qılınmalıdır. Amma günorta namazına qədər də qılına bilər».

İlahiyyatçı ekspert Elşad Miri isə bildirib ki, Ramazan bayramı ilə bağlı bayram namazının iki gün qılınması başadüşülən deyil: «Heç bir ölkədə bayram namazı iki gün qılınmır. Bayram namazının iki gün qılınması bizdə insanlar arasında təfriqə salmaq kimi bir hərəkətdir». O, bayram namazının sübh namazının vaxtından təxminən 45 dəqiqədən sonra qılınmalı olduğunu bildirib: «Texnologiya inkişaf etdikcə, vaxtı dəqiq hesablamaq olur. Məsələn, sübh namazının, yaxud zöhr namazının qılınmasının konkret vaxtı göstərilir. Bayram namazı da belədir. Azərbaycanda bayram namazının fərqli vaxtlarda qılınması məzhəblə bağlı məsələdir».

«Milli mənəvi dəyərlər» İctimai Birliyinin üzvü, «İslam azəri» internet qəzetinin baş redaktoru Ramin Bayramov da bildirib ki, bayramı əvvəlcədən təyin etmək düzgün deyil: «Ay göründükdən sonra bayram qeyd edilə bilər. Bayram namazı da adətən bir gün qılınmalıdır. Azərbaycanda bayram namazının iki gün qılınması yəqin sünni-şiə məzhəbinə görədir, amma kitablara istinadlı deyil.
Bu gecə ay görünərsə, cabah sübh namazından, yəni gün çıxandan sonra bayram namazı qılınacaq. Gün çıxandan zöhr namazına qədər bayram namazının qılınması mümkündür».

Qeyd edək ki, paytaxtdakı məscidlərində bayram namazı fərqli vaxtlarda və müxtəlif saatlarda qılınacaq. Əksər məscidlərdə isə bu vaxt saat 9.00-dur.

[Navigator]

başqa ölkələrdə ayın nə zaman görünməsinin təyin edilməsi təkmil olunmuş hala gəlib çatıb: «Müxtəlif qurğular vasitəsilə bu, müşahidə edilir. Azərbaycanda belə texnika yoxdur. Bu səbəbdən məzhəbə uyğun olaraq digər ölkələrə baxıb bayramı qeyd edir. Bir dəstə İrana, bir dəstə Səudiyyə Ərəbistanına, digəri Türkiyəyə uyğun hərəkət edir. Ona görə fərqlər meydana çıxır».

o ggün olsun bidə başqa ölkələr kimi olaq yəqin ki onda bu başqa ölkələrə baxıb bayramımızı qeyd etmərik ay X_an onda da fərqlər yaranmaz ..

[X_an]

Umumiyyetlede Risale hokmundede var ki iki adil wexs dese ki "men ayi gordum" bu kifayet eder ki hami orucu acib bayram namazi qilsin.Oki qaldi qurguya Wamaxi resedxanasindan baxirlar ve astroloqlar umumi reye gelirler.

[Ne On]

Allah oruc ve namazinizi qebul elesin...

[Sponsored content]