Dahiler ucun dunyanin bir qapisi var,dogulur ancaq olmur! Xalq shairi Bextiyar Vahabzade ile vida merasimi...

[X_an]

Shairin eziz xatiresine ithaf edirem...
Omur bashdan-basha,beshikden qebre
Heyatin sevinci qemi deyilmi?..
Olum bir omurluk  iztirablarin-
Agrinin,acinin cemi deyilmi?

Kecir meqamlar da gunde yuz elden,
Hansi gizli eldir pozan duzelden...
S'nin guvendiyin dunya ezelden
Ekilen,bicilen zemi deyilmi?

Ayaqlar altinda yer oldu tapdaq
,Sirrini,megzini bilmedik ancaq,-
Tapdaq etdiyimiz bu qara torpaq
Ebedi menzilin dami deyilmi?!   
                                     (Bextiyar Vahabzade)
Bu gün Bəxtiyar Vahabzadə ilə vida mərasimi keçiriləcəkVida mərasimi saat 13:00-da Bakı Dövlət Universitetində başlayacaq Bu gün 84 yaşında vəfat etmiş Azərbaycanın xalq şairi Bəxtiyar Vahabzadə ilə vida mərasimi keçiriləcək. Mərasimin Bakı Dövlət Universitetində baş tutacaq. XEZERXEBER-in məlumatına görə, saat 13:00-da başlayacaq vida mərasimi saat 15:00-a kimi davam edəcək. Sonra isə xalq şairi Fəxri Xiyabanda dəfn olunacaq. Vida mərasimində dövlət başçısı İlham Əliyevin də iştirak edəcəyi gözlənilir.Qeyd edək ki, Bəxtiyar Vahabzadə 50 il BDU-da işləyib.

[Ne On]

GÜMAN QALIB ALLAHA


Talan olmuş bir zaman ürəklərdə bəslənən,
Ümid ilə süslənən
O arzular, o kamlar.
Körpülərin üstündən indi sel sular keçir,
Altındansa, adamlar.

İndi yalan and olub
Hər şey tərs-avand olub.
Yayın oğlan çağında
Buludlar yaman dolub.

Hamı düz yoldan qaçıb, əyri yola işləyir
Saatın əqrəbləri soldan sağa işləmir,
Sağdan sola işləyir.
Bu qaranlıq gecənin hələ sonu görünmür
Səhər dönür axşama, gecə səhərə dönmür.
Gündüzləri alışıb, gecələri sönmüşük
Biz ağılla hiss edib, ürəklə düşünmüşük.
Özümüzə qayıdır atdığımız oxumuz
"Toxam" - deyir acımız, "acam" - deyir toxumuz.
Alçalmağı heç kəsin toxunmur vüqarına
Qol götürüb oynayır bu millət ac qarına.
Bir-birinə uyuşmur sozümüzlə içimiz
Toyda ağı söyləyib, yasda gülüsürük biz.
"Xoşbəxtəm" deyənlərə dilənçi qaçqınımız
Çadırından hay verir.
Ona bu "xoşbəxtliyi" bəxş eləyən kəslərə
Öz ömründən pay verir.
Nə gerimiz bəllidir, nə irəlimiz bizim
Əlirnizin yerinə işləyir səhər, axşam
Yalnız dilimiz bizim.
Nə arxada, nə öndə məlum bir yerimiz yox
Hara getdiyimizdən vallah, xəbərimiz yox.

Biz bir şeyi bilmədik:
Hər əsrin öz damarı, hər günün öz rüzgarı!
Bu günün qıfılına düşə bilməz, dünənin
Pas bağlamış açarı.
Ürək qalıb o tayda, güman qalıb bu tayda
Bir işıq istəyirik iynənin ucu boyda.
Ümidə də güman yox, ümid gümandan baha
Üzlər göyə tikilmiş, güman qalıb Allaha.

1 iyul, 1998

[Ne On]

BİR SALAMA DƏYMƏDİ

Bu gün mən səni gördüm,
Salam vermək istədim,
Üzünü yana tutdun.
Söylə, illərdən bəri
Qəlbimizin bir duyub
bir vurduğu illəri,
Axı, nə tez unutdun?
Beş ildə gözümüzdən axan o qanlı sellər,
Bir salama dəymədi?
Heç üzümə baxmadan yanımdan necə keçdin?
Sən eşqin salamını qorxuyamı deyişdin?
Yoxsa sən öz əhdinə, ilqarına ağ oldun?
O qədər yaxın ikən, bu qədər uzaq oldun.
Şirin gülüşlərimiz, acı fəğanlarımız
Bir salama dəymədi?
Qayğılı anlarımız, qayğısız anlarımız
Bir salama dəymədi?
Sən neylədin, bir düşün!
Yalnız indi anladım; ah, sən daha mənimçün
Əlçatmaz bir çiçəksən,
Yaşanmış günlərim tək geri dönməyəcəksən!...
Qop ey tufan, əs ey yel! Xəzəl olum, tökülüm
Düz beş il ürəyimdə
Bəslədiyim məhəbbət, bir salama dəymədi.
Bir günlük həsrətimə dözə bilməyən gülüm,
Bəs nə oldu? Bu həsrət bir salama dəymədi?
Getdin, dalınca baxdım, can ayrıldı canımdan,
Sən necə etinasız ötə bildin yanımdan?
Ah çəkdim, başım üstə yarpaqlar əsdi, gülüm,
Sənin qəlbin əsmədi.
Arxana da baxmadın!
Niyə sənin yolunu məhəbbətin kesmədi?...
Qazancımız de, bumu?
Deyilməmiş o salam əlvidamız oldumu?
Sən mənə zülm eylədin, mənə zülm yaraşır.
Bir salama dəyməyən eşqə ölüm yaraşır!

Sentyabr 1961

[Ne On]

[Seyid]

Allah rehmet elesin. Amin!. Adam var evden geder, adam var elden geder,  merhum shair Bextiyar elden getdi.Allah onun ruhun shad etsin! Amin

[Sponsored content]