Azərbaycanda leysan fəlakəti (Hacıqabul, Neftçala rayonlarını və Şirvan şəhərini sel basdı)

[X_an]

Azərbaycanın Hacıqabul, Neftçala rayonları və Şirvan şəhəri ərazisində təbii fəlakət baş verib. APA-nın Mil-Muğan bürosunun əməkdaşının təbii fəlakət zonasından verdiyi xəbərə görə, İpək yolunun Hacıqabul rayonundan keçən ərazisini tamamilə su basıb.

Bu gün saat 15.20 radələrində Hacıqabul rayonunun Nəvahi və Rəncbər kəndləri ərazisinə yağan güclü sel yağışları nəticəsində Nəvahi kəndinin ərazisində 300-dən çox ev və Hacıqabul rayon mərkəzinin ərazisi su altında qalıb. Sel sularının axın məcrası istiqamətində yaranmış su axını kiçik avtomobilləri və yolüstündəki əşyaları apara bilir.

Rayon ərazisinin ətrafında dəmir yollarının relsləri və elektrik xətləri uçub. Yüzlərlə ev heyvanları tələf olub. Rayon sakinlərinin ev əşyaları, şəxsi avtomobillər suyun altında qalıb, bir neçə ev uçub.

Rayona külli miqdarda maddi ziyan dəyib.

Azərbaycan Fövqəladə Hallar Nazirliyinin şəxsi heyəti və texnikası təbii fəlakətin aradan qaldırılması üçün rayona səfərbər edilib.

Təbii fəlakətin fəsadlarını aradan qaldırması üçün operativ qərargah yaradılıb.

Hazırda dağlardan gələn suyun axını səngiməyib. Ətraf rayonlardan da əlavə texnika gətirilir.

Hacıqabul rayon İcra Hakimiyyəti başçısının birinci müavini, rayon Fövqəladə Hallar Komissiyasının sədri Sahib Aslanov APA-ya bildirib ki, saat 15.20 radələrində yağan güclü leysan yağış suları Bakı-Qazax magistralının Hacıqabul rayonunun Nəvahi kəndi ərazisindən keçən hissəsini basıb. Nəticədə avtomobillərin hərəkəti dayanıb və yolda böyük tıxac yaranıb. Rayonun Rəncbər kəndinin bir hissəsi və ərazidən keçən dəmir yolu magistralı da suyun altında qalıb. Kəndin ərazisindən güclü sel suları axır. Rayon rəhbərliyi hadisə yerində təbii fəlakətin nəticələrini aradan qaldırmaq üçün tədbirlər görür.

Görülmüş tədbirlər nəticəsində magistral yol saat 16.30 radələrində açmaq mümkün olub.

Leysan yağışlar Azərbaycanın Neftçala rayonuna da ziyan vurub. Bu barədə APA-nın Mil-Muğan bürosuna Neftçala rayon İcra Hakimiyyətinin Fövqəladə Hallar komissiyasından məlumat verilib.

Məlumatda bildirilib ki, güclü yağış nəticəsində əsasən rayon mərkəzində yollar su altında qalıb, yüksək gərginlikli elektrik xətləri qırılıb. Hazırda rayona dəymiş ziyan aradan qaldırılmaq üzrədir.

Şəxsi təsərrüfatlara və fərdi yaşayış evlərinə ciddi ziyan dəyməyib.

Şirvan şəhərinin də şərq hissəsində fərdi yaşayış evləri yerləşən ərazilərdə də bəzi küçələri kiçik dağlardan axan sel suları basıb. Şəhər rəhbərliyi və FHN əməkdaşları əlavə tədbirlər görürlər.

[Ne On]

Nevahiden isti isti goruntuler, yavaw eliniz yanar

[X_an]

Zarafatin hec yeri yoxdu vallah. Tebii felakete gulmezler.

[Ne On]

Hee toba felaketdi dene bide gordun qapida izvanokin zengini vururu

[X_an]

Sel zvanok vurmur çağrılmamış qonaq kimi gəlib qucaqlayır.

[Ne On]

Lotkalarimizi evvelceden gerey hazirlayaq bele olmaz:(...

[X_an]

Allah etmesin ki o gune duwek sendeki agzini xeyre acda

[Tunc]

Allah bizlerden uzaq etsin

[Sponsored content]