Dovlet bashcisi Ilham Eliyev xalq shairinin vida merasimine geldi...

[X_an]

Prezident İlham Əliyev Bəxtiyar Vahabzadə ilə vida mərasimində iştirak edib
Dövlət başçısı şairin ailəsinə başsağlığı verib


Prezident İlham Əliyev xalq şairi Bəxtiyar Vahabzadə ilə vida mərasimində iştirak etmək üçün Bakı Dövlət Universitetinə gəlib. ANS PRESS-in məlumatına görə, dövlət başçısı şairin ailəsi ilə görüşüb. Prezident onun ailə üzvlərinə başsağlığı verib və onlara səbr diləyib.
Prezidentdən başqa şair ilə vidalaşmağa Baş nazir Artur Rəsi-zadə, Milli Məclisin spikeri Oqtay Əsədov, müğənni, Xalq artisti Zeynəb Xanlarova, ombusman Elmira Süleymanova, AMEA-nın prezidenti Mahmud Kərimov, Tarix İnstitutunun rəhbəri Yaqub Mahmudov, MSK sədri Məzahir Pənahov, Etibar Məmmədov, Cəmil Həsənli, Nəriman Qasımov və digər rəsmilər gəliblər.
Vida mərasiminə həmçinin Türkiyənin Azərbaycandakı fövqəladə və səlahiyyətli səfiri Hülusi Kılınc da qatılıb.
Qeyd edək ki, bir necə dəqiqədən sonra vida mərasimi başa çatacaq və şair dəfn edilmək üçün Fəxri Xiyabana gətiriləcək. Vida üçün vaxtın başa çatmasına az qalmasına baxmayaraq, Bəxtiyar Vahabzadə ilə vidalaşmağa gələnlərin sayı artır.