Sabah güclü leysan və qar yağacaq

tarafından Mr_SMITH 28/9/2009, 11:38

Qeyri-sabit, yağışlı hava şəraiti sentyabrın 30-da gündüz saatlarınadək davam edəcək

Ekologiya və Təbii sərvətlər Nazirliyi xəbərdarlıq edir ki, qeyri-sabit, yağışlı hava şəraiti sentyabrın 30-da gündüz saatlarınadək davam edəcək.

Nazirliyinin hidrometeoroloji proqnozlar bürosundan bildiriblər ki, bu gün Bakıda və Abşeron yarımadasında buludlu hava şəraiti üstünlük təşkil edəcək. Axşama doğru bəzi yerlərdə yağış yağacağı gözlənilir. Şimal-qərb küləyi əsəcək, arabir nisbətən güclənəcək. Havanın temperaturu gündüz 15-17, axşam 12-14 dərəcə olacaq.

Sabah da havanın buludlu olacağı, yağış yağacağı gözlənilir. Yarımadanın bəzi yerlərində intensiv olacağı ehtimal olunur. Gündüz tədricən kəsiləcək, günün ikinci yarısında dəyişkən buludlu olacaq, əsasən yağmursuz keçəcək. Şimal-qərb küləyi əsəcək, gecə arabir nisbətən güclənəcək. Havanın temperaturu gecə 11-13, gündüz 15-18 dərəcə olacaq.

Sonrakı günlərdə isə hava şəraiti belə proqnozlaşdırılır:

Sentyabrın 30-da

Dəyişkən buludlu. Əsasən yağmursuz. Şimal-qərb küləyi əsəcək, gündüz arabir nisbətən güclənəcək. Havanın temperaturu gecə 10-12°, gündüz 20-23°.

Oktyabrın 01-də

Dəyişkən buludlu. Əsasən yağmursuz. Səhər bəzi yerlərdə zəif duman. Şimal-qərb küləyi əsəcək, gündüz arabir nisbətən güclənəcək. Havanın temperaturu gecə 11-13°, gündüz 18-20°.

Azərbaycanın rayonlarında
Sentyabrın 29-da

Yağış yağacağı, bəzi yerlərdə leysan xarakterli intensiv olacağı gözlənilir. Gecə və səhər dağlıq ərazilərdə qar yağacağı ehtimalı var. Qərb küləyi əsəcək, gecə arabir güclənəcək. Havanın temperaturu gecə 10-14°, gündüz 16-20°, dağlarda gecə 3-6°, gündüz 9-14°.

Sentyabrın 30-da, oktyabrın 01-də

Yağış yağacağı gözlənilir. 30-da gecə bəzi şərq rayonlarında intensiv olacağı ehtimalı var, səhər qərb rayonlarında, gündüz isə şərq rayonlarında tədricən kəsiləcək, əsasən yağmursuz keçəcək. Lakin oktyabrın 01-də axşam və gecə bəzi yerlərdə yağış yağacağı ehtimal olunur. Şərq küləyi əsəcək. Havanın temperaturu gecə 10-15°, gündüz 19-24°, dağlarda gecə 3-7°, gündüz 10-15°.

Tibbi-meteoroloji proqnoz

Yaxın 3 gün ərzində Abşeron yarımadasında meteoroloji amillərin mülayim tərəddüdləri meteohəssas insanlar üçün əsasən əlverişlidir.