Dini seirler.

[sad_angel]

Qızına Nəsihət


Ay mənim örtülü hicablı qızım,
Tutqun gecələrdə parlaq ulduzum,
İstərdim səninçün nəsihət yazım,
Sən Allahdan çəkin, ondan qorx qızım.

Sən gülün qönçəsi hicab ləçəyin,
Sənə bənzəri var gülün çiçəyin,
Hicab iffətidir sən tək qönçənin,
Sən Allahdan çəkin, ondan qorx qızım.

Deyirsən tənə ilə qarı deyirlər,
Saçlarını boya sarı deyirlər,
Ən azı şalvar gey barı deyirlər,
Sən Allahdan çəkin, ondan qorx qızım.

Soruşdum bəs nədən işlər nataraz,
Hamı açıq-saçıq, hicablılar az ?
Aşkarda çox olan qiymətli olmaz,
Sən Allahdan çəkin, ondan qorx qızım.

Diqqət et daş-kəsək hər yerdə olar,
Qiymətli cəvahir gizlində qalar,
Dünya asilərlə şeytanla dolar,
Sən Allahdan çəkin, ondan qorx qızım.

[sad_angel]

YARANIŞ ETİBARİLƏ

Günaha meyl edir insan yaranış etibarilə,
Günahı az edər aqil davranış etibarilə.

Müasir çağda bir dindar ziyan vermirsə İslama,
İslama fayda verəndir anlayış etibarilə.

Düşünən bir beyinin fəhmi-təmənnası gözəldir,
Düşünməyən də azır tez, qavrayış etibarilə.

Quranı dildə sevənlər yolu məntiqlə gedirlər,
Özü də şirk içindələr yalvarış etibarilə.

Haqqa dəvət elədim mən səni gündüz-gecə zatən,
İdmançıya bənzədin sən bu qaçış etibarilə.

Yarışanlar qoy yarışsın xeyir işlərdə haqq üçün,
Ən uca mükafat da var bu yarış etibarilə.

Səni atəşlərə yemkən oradan kim çəkindirir,
Bir xilas yeri qoymursan tullanış etibarilə.

Möminin bir üzü vardır, ona dünya necə dardır?
O nümunələr çıxardır oyanış etibarilə!........

Hər ürək səlim olarsa, günaha sipər tutarmış,
Təəssüf, yox belə əhval aldanış etibarilə.

Çoxunu dünyada şeytan yatırır oyaq biçimdə,
Yuxunu qızıl zənn edir o balış etibarilə.

Dünyada tanışlarınla mənə zülm eyləmisən sən,
O dünyada qurtulmazsan bir tanış etibarilə!

Dünyada yoxdur İslam tək bəşəri sülhə səsləyən,
İnsanlar küsməyi seçmiş uzanış etibarilə!

Yoxdur İslam kimi nəcat, yoxdur İslam kimi mənsur,
Aləmə hüzur gətirməkdə, barış etibarilə!

İslamı anlamasaq biz, bizə özgə cür sunarlar,
Yandırarlar yanmayarkən bir baxış etibarilə!

Bu gedişlə, bu baxışla, bu fəhmlə nə düzəlsin?!
Nə düzəlsin bu cahanda bu axış etibarilə!

Asan eylə, çətin etmə, düzəldən ol, dağıtma gəl,
Kim düzəltmişsə, ucalmışdır alqış etibarilə!

Bəşərin yatdığı günlər sən oyaq vicdana bağlan,
Çün bəla gəlsə, gələr tək bu yatış etibarilə!

[sad_angel]

MƏKKƏNİN HƏSRƏTİ

Mən Kəbəni gördüm, mənə röya kimi gəldi!
Röya mənə fövqəladi dünya kimi gəldi!

Yurdumdakı göz yaşları bir damcı göründü,
Ol Kəbədə göz yaşları dərya kimi gəldi.

Xoş oldu ayaqlar ki, o torpaqda gəzindi,
Gəldim geri, gerçək idi, xülya kimi gəldi.

Gözlər də sevindi bu məkanlarda baxarkən,
Gündüzləri, axşamları təqva kimi gəldi.

O günlərəcən baxışların qiyməti yoxdu,
Canım bunu gördükdə təmənna kimi gəldi.

Əllər xeyir iş görmədə sanki, qurumuşdu,
Əllər elə bil, fitrəti bənna kimi gəldi.

Qəlb titrədi, tüklər bütün ürpərdi zəhmdən,
Bu nəfsimə ən faydalı icra kimi gəldi.

Səhranı gülüstan kimi sandım o məqamda,
Əvvəl gözümün gördüyü suğra kimi gəldi.

Ta qarşıda bir Kəbə göründü, necə gündü,
Ya Rəbb, qullar da onun başına pərva kimi gəldi.

Möminlərə həm sirli və həm nurlu göründü,
Əsralara nur oldu, bu əsra kimi gəldi!

Səcdə elədik biz o evin Rəbbinə yalnız,
Taət bizə ən zirvədə kübra kimi gəldi.

Ömrümdəki ən dəyərli anlar yaşanarkən,
İbrət dolu, rəhmət dolu məcra kimi gəldi!

[sad_angel]

MÜSƏLMANLAR

Məzlumdu Fələstinli, Əqsalı müsəlmanlar,

Qaçqınlı, didərginli, Qəzzalı müsəlmanlar!

Xaindi, əzazildi qatil, sionist cəllad,

Qoymur ki, ömür sürsün mənalı müsəlmanlar!

Qəzzalı vətənpərvər dinin vüqarı saylır,

Peyğəmbərə, Allaha sevdalı müsəlmanlar!

Bombardıman altında Qəzza qara zülmətdir,

Axşamları yatmırlar əhyalı müsəlmanlar!

Əqsa nədir dərk eylər, Qəzza nədir dərk eylər,

Ancaq əməlisaleh, təqvalı müsəlmanlar!

Qəzzalıya biganə, israfçı ərəb şeyxi,

Yüz mərtəbələr tikmiş, lovğalı müsəlmanlar!

İslama vurur zərbə təkfirçi, təəssübkeş,

Dırnaqarası mömün, əmmalı müsəlmanlar!

Allanma, aman vermə, düşmənlər amansızdır,

Qəflətdən oyansınlar röyalı müsəlmanlar!

Düşmən nə edir etsin, bir zərrə qədər qorxmaz,

Mövlası Əli, zikri Zəhralı müsəlmanlar!

[Sponsored content]