Məşhur memar Jan Nuvel Bakıda tikiləcək Müasir İncəsənət Muzeyilə bağlı konsepsiyasını təqdim edib.

[X_an]

Konsepsiya aprelin sonlarında tamamlanacaq və bu zaman onun qiyməti və tikintisi üçün lazım olan müddət açıqlanacaq


Dünyanın ən məşhur memarlarından olan Jan Nuvel Azərbaycana gəlib. ANS PRESS-in məlumatına görə, bu gün məşhur memarla Rəssamlar İttifaqında görüş keçirilib. Tədbirdə Prezidentin İcra Aparatının humanitar məsələlər üzrə şöbə müdiri Fatma Abdullazadə, Rəssamlar İttifaqının sədri Fərhad Xəlilov, həmçinin tanınmış memarlar, rəssamlar, Bakı Baş Tikinti İdarəsinin mütəxəssisləri iştirak ediblər. Görüş zamanı Jan Nuvel Bakıda tikiləcək Müasir İncəsənət Muzeyi ilə bağlı konsepsiyasını təqdim edib.
Görüşdən sonra Rəssamlar İttifaqının sədri Fərhad Xəlilov jurnalistlərə bildirib ki, Jan Nuvelin təqdim etdiyi konsepsiya olduqca maraqlıdır: «Bu görüş Müasir İncəsənət Muzeyinin layihəsinə münasibətlə bağlı müzakirə idi. Bu layihə Bakını nəinki regionda, hətta dünyada mədəni mərkəzə çevirəcək. Biz onlara hələ heç bir cavab vermədik, amma hərə öz fikrini söylədi. Jan Nuvel tanınmış memardır, Şərqi bilən adamdır. O, bu layihədə memar kimi düzgün, bizə yaxın yolla gedir».
F.Xəlilovun sözlərinə görə, konsepsiya aprelin axırlarında tamamlanacaq və bu zaman onun qiyməti və tikintisi üçün lazım olan müddət açıqlanacaq: «Bundan sonra layihə başqa dairələrdə də müzakirə ediləcək. Mütəxəssislər ona rəy bildirəcəklər, nə ilə razı, nə ilə narazı olduqlarını deyəcəklər. Əgər onlar layihəni işləməyə razılıq alsalar, çox maraqlı olacaq».

F.Xəlilov bildirib ki, Müasir İncəsənət Muzeyinin paytaxtdakı ən hündür bayraq qülləsinin aşağı hissəsində tikilməsi planlaşdırılır. Konsepsiyaya görə, kiçik şəhərcik kimi nəzərdə tutulan layihədə muzeydən başqa, tədris müəssisəsinin, müasir teatrın, uşaqların tərbiyəsi üçün müəssisənin, həmçinin restoran və başqa obyektlərinin tikintisi gözlənilir.
Qeyd edək ki, J. Nuvelin «Ateiler Jean Nouvel» bürosu bütün dünyada tikilən binalar üçün layihələr verir. J. Nuvelin işləri əsasən muzeylər, mətbuat mərkəzləri, konsert zalları, ofis komlpleksləri və yaşayış binalarından ibarətdir. Onun ən məşhur layihələri isə Parisdə Kartye Fondunun mərkəzi qərargahı (Fondation Cartier) və Ərəb Dünyası İnstitutu (İnstitut Di Monde Arabe), Lionda Opera Teatrı və Lüserndə konsert zalıdır.
ANS PRESS-ə istinadən

[Ne On]

İşimiz qurtardı indi də muzeyə pul xərclənir...Bir xeyirli yerə xərcləsər pis olmazdı...

[X_an]

Maraqlidir iqtisadi bohran deyesen muzeylere tesir etmeyib?!

[Sponsored content]